Igandero Hala Bedi irratian, 22:00etatik 23:00etara
Esan gabe zerua
2012-06-04ko saioa. Entzun hemen
Zeru urdina. Wassili Kandinsky
Ez dakit noiz mintzatzen diren txoriak esan gabe zerua. Urrutiko lainoen gerizpeak zapaltzen ditut egunero, bizidunak eta zehatzak dira joandakoaren akorduak hemen.
Arnasa
2012-05-27ko saioa. Entzun hemen
“Kanagawako olatu handia”. Katsushika Okusai
Euria ari duenean ura naiz. Haizea dabilenean harriari zor natzaio. Arnasa ematen badizut ez da itolarriak beldurtzen nauelako izango.
Ura naiz, egurrezko nahi zintuzket, arnasari zor natzaio.
Zama
2012-05-20ko saioa. Entzun hemen
Promenade (1918). Marc Chagall
Zamarik astunena gainean ez daramazuna da. Zamarik astunena gainean ez daramazula uste ez duzuna da. Zamarik astunena pisurik ez duena da.
Zamarik astunena besteek zuri egotzi dizutena da. Zamarik astunena besteek egotzi ez arren zuk hala delakoan hartu duzuna da.
Etzan bare
2012-05-13ko saioa. Entzun hemen
Díptico. Vicente Ameztoy (1976)
Ohean etzanda dagoenarentzat errazagoa da gogoratu nahi duenaz gogoratzea. Behin zutik jartzean munduak akordatzeari uzten baitio, memoriarik gabeko ibilia bihurtzen da bat, euripeko langarretan galdutako oreka bilatzen.
Nor dugun guarda (III): Beñat Sarasola
2012-05-06ko saioa. Entzun hemen
Beñat Sarasola 1984an sortu zen Donostian.
Jo du eguzkiak geroztik. Eta denbora ere joan da. Denborak, joaten denean, oroimena uzten digu, kontsolagarri. Horrela sortzen dira denbora-zatiz osatuta daudelako itxura ematen duten zera horiek: oroitzapenak.
Oroitzapenak gure zaindari dira, gure guarda. Lagun izateko balio dezakete, konpainia egiteko, edo baita ataka estu batetik ateratzeko ere. Gidari bezala jardun dezakete, edo engainatu egin gaitzakete. Oroitzapenak ez dira soka bat: soka zatiak dira. Hautsitako hari zatiak.
Hona hemen, leku eta denbora koordenada zehatzez, Beñat Sarasolaren hari zati batzuk. Bera zaintzen duten soka-txatal hautsiak. Gaur, Celosamente gordean, Beñat Sarasola dugu guarda.
Lur erreak
2012-04-29ko saioa. Entzun hemen
“Calor de la tierra”. César Manrique, 1992
Lur erreak lur arrea dakar
Lur arrea erre ostekoa.
Erretako lurraren gainean zerbait eraiki
Bizia sortzen saiatu harri gainean
Eskuak eta oinak bizirik lur gainean.
gorpuzkinak
2012-04-23ko saioa. Entzun hemen
Biolentziaz hitz egiten digutenen biolentziaz gogoratzen naiz, etxeko airea berritzeko leihoak ireki eta gosaltzeko gogoa joaten zaidan bakoitzean.
Pertsona pertsona denez gero (M29)
2012-04-01eko saioa. Entzun hemen
Hiltzeko era ugari dago
hiltzeko modu asko.
Sabelean labana sartu ahal dizute,
ogia ukatu,
Gaisotasun bat sendatu ez.
Hiltzeko era ugari dago.
Etxebizitza kaxkar batean sartu,
zeure buruaz beste egitera bultzatu,
lanaren bitartez heriotzera arte torturatu,
gerrara eraman, eta abar, eta abar.
Hauek guztietatik oso gauza gutxi
daude debekatuta gure estatu honetan.
Bertol Brecht
Newroz, eguzkiaren itzulera
2012-03-25eko saioa. Entzun hemen
Eguzkiak bere handitasuna ezartzen duenean berriz ere,
ez zaitezte etxean geratu, ez etxean geratu.
Atera zaitezte zelaietara, egin ezazue korri belardietan
eguzkia itzuli da eta
Gorde-ezkila
2012-03-18ko saioa. Entzun hemen
© Man Ray / Paul Eluard, Nusch Eluard & Ady Fidelin
Zer nahi zenuten egitea bera goseak zegoen
Zer nahi zenuten egitea armarik gabe ginen
Zer nahi zenuten egitea gaua heldu zen
Zer nahi zenuten egitea maitasuna besterik
Paul Eluard (itz.: Koldo Izagirre)